Білім алушылар орталықтың жеке кабинетіне логин және құпия сөз арқылы кіреді . Для студентов необходимо зайти под логином и паролем в личный кабинет Центра.

ЖАТАҚХАНАҒА ОРНАЛАСУ ҮШІН ӨТІНІШ БЕРУ ТӘРТІБІ:

 Жатақханада тұруға өтінішті онлайн түрде Студенттер мен қызметкерлерге қызмет көрсету орталығының ssc.ksu.kz. порталы арқылы әлеуметтік жеңілдіктерді растайтын құжаттарды қоса отырып өтініш беруге болады.

I. 2019-2020 оқу жылында 1, 2, 3 курстарды аяқтаған студенттер 2020-2021 оқу жылында жатақханаға орналасу үшін өтінішті 2020 жылдың 13 мамырынан 05 маусымына дейін береді.  

Тұрғын үй  комиссиясы өтініштерді 2020 жылдың 10 маусымынан 25 маусымына дейін қарайды. Комиссияның оң шешімі болған жағдайда жатақханаға тапсырыс, ал студентке орналасатындығын растайтын жолдама беріледі.

Комиссияның оң шешімін алған студент 2020 жылдың 20 тамызына дейін тұратындығын растамаса брондау жойылып, берілген орын қайтарылады  және растаған жағдайда студент 29 тамызға дейін орналаспаса, брондау жойылып, орын босатылады.

II. 2020-2021 оқу жылында 1-курсқа түскен студенттер жатақханаға орналасу үшін 05 тамыздан 25 тамыз аралығында қабылдау комиссиясына құжат тапсырғаннан кейін өтініш тастай алады.

 Тұрғын үй  комиссиясы өтініштерді 2020 жылдың 26 тамызынан 30 тамызға дейін қарайды.

Комиссияның оң шешімі болған жағдайда жатақханаға тапсырыс, ал студентке орналасатындығын растайтын жолдама беріледі.  Егер жолдама берілген студент 10 қыркүйекке дейін орналаспаса, брондау жойылып, орын босатылады.

Қазақстан Республикасы Білім және ғылым министрінің 2016 жылғы 22 қаңтардағы № 66 бұйрығымен бекітілген «Білім беру ұйымдарының жатақханаларында орындар бөлу ережелеріне» сәйкес (19.10.2018 ж. енгізілген)

Конкурстық комиссия жатақханалардағы орындарды бөлуді негіздемелер мен кезектілікті ескере отырып, төмендегі санаттар (категориялар) кезегі бойынша жүзеге асырады.

НАЗАРЛАРЫҢЫЗҒА!  4 курс студенттеріне (1, 2 санаттағылардан басқа) 2020 жылдың  20 қыркүйегінде кіріп өтініш тастауға рұқсат етіледі.

1 - санат бойынша қабылданатын студенттер:

 (1, 2, 3, 4 курста грантта, ақылы түрде оқитындар үшін) 

• Даму мүмкіндіктері шектеулі адамдар;
• Мүгедектер және бала кезінен мүгедектер, мүгедек балалар;
• Жетім балалар және ата-аналарының қамқорлығынсыз қалған балалар;
• Ата-анасының біреуі немесе екеуі де мүгедек болып табылатын балалар (1, 2 топ);

2 - санат бойынша қабылданатын студенттер:

(1, 2, 3, 4 курста грантта, ақылы түрде оқитындар үшін) 

• Кәмелеттік жасқа жеткенге дейін ата-аналарының қамқорлығынсыз қалған жастар;
• Жеңілдіктер мен кепілдіктер бойынша Ұлы Отан соғысының қатысушыларына және мүгедектерге теңестірілген адамдар;
• Ауылдың әлеуметтік-экономикалық дамуын айқындайтын білім беру бағдарламалары бойынша оқуға түскен ауыл жастары;
•  Қазақстан Республикасының азаматтары болып табылмайтын білім алушылар және оралмандар;

3 - санат бойынша қабылданатын студенттер:

(1, 2, 3 курста грантта оқитындар, 4 курстар үшін бос орын болған жағдайда 20 қыркүйектен кейін) 

• "Мәңгілік ел жастары – индустрияға!" ("Серпін – 2050") жобасы шеңберіндегі білім алушылар;
   

4 - санат бойынша қабылданатын студенттер:

(2020-2021 оқу жылында 1-курста грантта оқитындар үшін) 

• "Алтын белгі" иегерелері болып табылатын бірінші курсқа қабылданған білім алушылар;
• Президенттік, халықаралық және республикалық олимпиада және/немесе конкурс жеңімпазының немесе жүлдегерінің сертификатын иеленген білім алушылар, сондай-ақ оқу орнын үздік бітірген, білім туралы растайтын құжаты бар (куәліктер, аттестат, диплом) талапкерлер;
   

5 - санат бойынша қабылданатын студенттер:

 (Бірінші кезекте 1, 2, 3 курста грантта оқитындар қабылданады, 4-курста грантта оқитындар бос орын болған жағдайда 20 қыркүйектен кейін қабылданады)

    Әлеуметтік санаттарын ескере отырып орналастырылады.

    Бірінші болып толық емес отбасынан, көпбалалы және аз қамтылған отбасынан шыққандар орналасады.

6 - санат бойынша қабылданатын студенттер:

 ( 1, 2, 3 курста ақылы түрде оқитындар үшін, 4-курста ақылы түрде оқитындар 20 қыркүйектен кейін, орын болған жағдайда) 

2020 жылдың 15 қыркүйегінен кейін комиссия қарайды.

Бірінші болып толық емес отбасынан, көпбалалы және аз қамтылған отбасынан шыққандар орналасады.

Университеттің қоғамдық жұмыстарына белсене қатысып жүрген және оқуда, ғылыми зерттеу жұмыстарында жақсы көрсеткіш көрсетіп жүрген студенттер.

7 - санат бойынша қабылданатын студенттер:

 (1, 2, 3 курста ақылы түрде оқитындар үшін, 4-курста ақылы түрде оқитындар 20 қыркүйектен кейін, орын болған жағдайда)   

2020 жылғы 15 қыркүйектен кейін комиссия қарайды

Бірінші болып толық емес отбасынан, көпбалалы және аз қамтылған отбасынан шыққандар орналасады.

ЕСКЕРТУ!!! Қарағанды, Теміртау, Саран, Шахан, Шахтинск қалалары мен Абай ауданына қарасты Топар, Қарабас кентері мен Дубовка, Құрма селолық округтарда және Бұқар жырау ауданына қарасты Үштөбе, Доскей, Жаңаөзен селолық округтарда тұратын студенттер, 1,2 санатын қоспағанда, жатақханаға  20 қыркүйектен кейін бос орындар болған жағдайда ғана беріледі. 

ЖАТАҚХАНАДА ТҰРУҒА АРНАЛҒАН ҚҰЖАТТАР ТІЗІМІ

1. 3 * 4 көлеміндегі фотосурет (2 дана)
2. Жеке басын куәландыратын құжаттың көшірмесі (2 дана)
3.  «Жылжымайтын мүліктің болмауы (болуы) туралы анықтама беру» мемлекеттік көрсетілетін қызмет стандартына сәйкес жылжымайтын мүліктің болмауы (болуы) туралы анықтама.
4. Құжаттарға арналған файл (2дана)
5. Педикулез туралы анықтама (Қарағанды қ., Ермеков 1, Кривогуза көшесі 17/3)
6. ЖАТАҚХАНА үшін төлемді «Халық Банкі» АҚ-дан алғандығы туралы түбіртек (Шартқа сәйкес төлем = 50% немесе 100% болуы керек)
7. Әлеуметтік жеңілдіктерді растайтын құжаттардың түпнұсқалары (салыстыру үшін) және көшірмелері

Егер тіркелу кезінде тапсырған құжаттар бойынша студенттің санаты расталмаса, жатақханадағы брондалған орын қайтарылады, яғни студент жатақханаға орналаса алмайды.

«Е.А. Букетов атындағы Қарағанды университеті»